Vola, passione,

palomma 'nnammurata,

comm'a 'na varchetella  senza vele

'ncopp' a chell'onne scuiète

'e n'ammore sconosciuto.

Miezz' a chell'onne,

addò 'a rezza arrobba ogni turmiento

si' chella femmena ca mme 'mbriaca

'int' 'o vico scuro

'e 'na iurnata ca nun sponta maje.

Vola, passione

scapricciata e senza mamma!

Nun te fermà

'nnanz' 'e cancelle 'e 'nu core

rammariello

ca vènne 'nu poco ammore.

T'arraccumanno,

vulanno vulanno

puortame 'nzuonno

ca 'a primma sera

mme facette sentì 'nu poco 'e bbene,

quanno sentette 'int' 'e vvène

ca 'a vita è sulo dimane,

quanno vasaje 'na vocca 'e mele

ca mme facette addecrià

ma senza speranze.

Vola, passione,

'nt 'o pàsteno chin' 'e fronne

addò aggio piantato j' stesso

'n 'albero piccerillo

pe' m'arricurdà,

ogni mumento,

ca pozzo campà

surtanto

si tu mme faje capì

ca mme vuò ancora bbene.

===========================