Tu,

ca si' caduta 'nzino 'a terra asciutta,

terra c'ardeva pe' 'nu poco d'acqua

e ca chiagneva  senza 'na lacrema,

tu,

ca t'arravugliave

senza 'na cuperta,

tu

nun 'o ssaie.

Cu 'a vocca toia

aggio vasato Dio,

cu 'e mmane toie

me so' azzeccato o' munno,

cu 'o sango tuoio

aggio appicciato 'e stelle.

Cu tte

aggio trovato 'ammore,

E zittu zitto

me so' fatto ommo.

Grazie a te

aggio avuto pur' io 'na famiglia,

giostra d'ammore,

addò ogni piccerillo s'addecrèa.

Tu nun 'o ssaie.

Sfrattate a ogni core,

tingo tingo

aggio truvato casa

pecchè l'ammore tuoio è senza fine,

spalanca 'e cancelle d' 'o silenzio,

votta luntane 'e malincunie,

abbraccia 'a gente,

abbandunata e sola,

quanno zingara se nne fuie

pè s'arrepusà,

cuièta,

'ncopp' a 'nu pietto