arèt' a ll'onne fresche 'e turmiente

 antiche

nun me lassà,

stamme appriesso

pè mme scarfà cu ll'uoglio

'e lucerna cucente.

'A notte se ne scenne

'int' 'o ciardino d' 'o tiempo

e se fa sentimento geloso

addò 'o primmo suonno

è suonno malinconico

ca vurria cammenàsulo cu te

Pe' ttramente

chistu core s'appassiona

e se nne more,

serenamente,

'mman' a ppenziere furastiere,

'nzino a ppassione

ca cchiù niente me diceno.

Ma tu,

senza sapè e senza vulè

lassame 'e ccarne fresche

'e chistu pietto carnale,

damme 'sta vocca ca m'accoglie

quanno tengo famm' 'e

sincer 'ammore,

speranza

e dimme

sulamente

te voglio bbene assaje.

Fatte piglià d' 'e ddete meje

ca t'accarezzano e te cunnulèeno

'mmiezzo 'a 'stu munno scuièto.

Fàmmete astregnere

'mmiezz 'a 'stu rusario

addò Dio

è ommo spierzo

ca chiagne scapricciato

sapenno ca sulo tu,

trinità carnale,

può vasà 'o dimane

addò 'o sole se sposa cu 'a luna,

'o mare 'nfonne ll'arena

e ce putimm' arretruvà

'nzino ò silenzio 'nnammurato,

chin' 'e passione,

comm'a 'na sola cosa,

'nu sulo core,

'nu sulo suonno,

'nu sulo sentimento

ca se perde

ccà e llà