Uocchie 'nnammurate

nun fuite.

Avite araputo

'stu core chin'e cancelle.

L'avite fatto vulà

luntano luntano

addò 'o chianto se cunsuma,

'o friddo se sfrantumma,

'o sole s'annasconne.

Uocchie appassiunate

 trasite curaggiuse,

faciteme 'mpazzì

pe' 'nu mumento.

Faciteme capì

ca 'o mare è ssempe chino 'e stelle,

 ca 'a vita è sempe sentimento,

ca pure Ddio se scujèta,

se perde

e s'affanna

p'arretruvà 'nu vaso carnale.