Femmena sconosciuta,

nun avè appàura

sulo pecchè t'aggio ditto

ca te voglio bbene,

si t'accarezzo

cu chesti ddete ca tremmano,

si t'astregno 'ncoppe a 'stu core

ca sbatte comm' a ll'onne,

si te parlo 'int 'o silenzio

'e 'stu mare senza pate,

si 'nzuonno te vengo a

scummiglià

e tutt'e dduie simmo una cosa,

si sto 'int' a ddu te

pè fuì luntano

abbràciate e senza meta,

Nun avè appàura

'mmiezz' 'e stelle lucente

'e chist' uocchie nire nire

addò 'o dimane nuosto

s'annasconne e s'arreposa.