Mò ca staie luntana,

e pure 'o sole se nne trase

primmo d' 'o tiempo,

t'aggia mannà 'na mmasciata,

rosa 'e tutte 'e rrose.

Vurria addeventà chillu cuscino

addò 'a vocca toia se va affaccià.

Mò ca staie luntana,

'o suonno cammina

p' 'e vvie d' 'a fantasia,

se fa figliola e femmena,

se fa guaglione e ommo

e canta doce doce

'int' 'o silenzio 'e 'nu passato amaro,

Mo' ca staie luntana,

'e pure 'o jiurno è scuro

'mmiezzo' a 'sta pàsteno chino 'e fronne

chill'uocchie ca tiene 'nfronte

so' ffuoco ca mme brucia,

songo onne ca mme 'nfonneno,

so' vviento ca mm'arravoglia

e mme porteno luntano

'nzino a te

pè mme fà 'mbriaca 'e tutt'o bene

ca tiene 'mpietto.

Pietto,

bumbuniera 'e spulalizio amante,

stipo 'e 'n'ammore

ca s'arretrova e se perde