femmene pe' ffemmene,

'nu poco 'ammore,

l'urdemo tàllero

dopo tanta rapina.

E mò

cha l'hè truvato chillu core

nun t' 'o può ffà fuì.

Tienilo astrinto,

chistu criaturo,

dalle 'o bbene ca le spetta

e cu isso fuje

'ncopp' 'e capille 'e chistu

pino antico.

Annascunnete 'mmiezz' 'e ffronne

addirose

e chianu chiano,

doce doce,

 commoglia,

'a terra nun t'annasconne,

'o sole nun t'abbruscia,

ma 'nzino a 'stu core

niente te pò 'mpurtà.

Truovate 'e vase ca te strujeno,

'a vocca ca t'aspetta,

'o sango ca te scarfa,

zitto e muto

zucate 'stu miraculo,

'o miraculo 'e 'na femmena ca  vò

bbene

'e 'nu core 'nnammurato

ca ogni vota

se fa sposa e mamma,

ogni vota

se fa Dio pè tte.