Puorteme luntano

mò ca 'o tiempo se nnè fuje,

Famme vulà senza scelle

chu chelli ddete avvelutate

c' hanno fatto 'o munno.

'Nzino a 'stu pietto,

pronto a partì

pè dà respiro ardente a cchi vò bbene

famme tremmà

'e n'ammore senza peccato.

Famme cunzulà

cu 'e carezze 'e chelli ddete,

c' 'o sciato 'e chillu pietto.

Sulo 'a carne 'e 'nu Ddio annuro,

ca senza scuorno se fa

femmena,

mme pò 'mbriacà

cu 'nu surzo 'e bbene.

E chillu Ddio,

ca mm'abbraccia e m'astregne,

mme spoglia e mme cummoglia,

ca nun s'arrenne

si 'o scoglio nun l'accoglie,

si' sulamente tu!